Viltu þjónusta ánægðustu viðskiptavini á raforkumarkaði?

Við leitum að jákvæðum, metnaðarfullum og þjónustulunduðum einstaklingum í hlutverk sölu- og þjónusturáðgjafa.

Ef þú hefur áhuga á að vinna í margbreytilegu og tæknilegu starfsumhverfi, hugsar í lausnum og nýtur þín í samskiptum þá hvetjum við þig til að sækja um starfið.

Helstu verkefni:

Veita framúrskarandi þjónustu bæði í síma og í gegnum rafræna miðla. Tryggja faglega og skilvirka þjónustu í hverju erindi Koma auga á tækifærin og fylgja málum vel eftir.

Hæfniskröfur:

Við leitum að tæknilega sinnuðum einstaklingum með góða tölvufærni
Framúrskarandi þjónustulyndi og færni í mannlegum samskiptum
Starfið gerir kröfu um nákvæmni og vandvirkni
Við fögnum umsækjendum sem hafa færni í þriðja tungumáli en gerum sérstaka kröfu um íslensku- og enskukunnáttu

Stefna ON er að auka lífsgæði viðskiptavina okkar með sjálfbærri verðmætasköpun. Við erum á réttri leið og því til staðfestingar höfum við veitt Ánægjuvoginni viðtöku undanfarin 7 ár.

Hjá okkur færðu skemmtilega og hagnýta reynslu af því að vinna með reynslumiklu fagfólki á fjölbreyttum og lifandi vinnustað sem leitast við að vera í fremstu röð hvað snertir öryggi, vinnuumhverfi og möguleika til að samræma vinnu og fjölskylduábyrgð.

Við tökum jafnréttið alvarlega

Við viljum hafa sem fjölbreyttastan hóp starfsfólks og hvetjum því öll kyn til að sækja um.

Við val á nýju starfsfólki er tekið mið af hæfni, reynslu og umsögnum þannig að það borgar sig að fylla vandlega út umsóknina.

Starfstímabilið er frá miðjum maí fram í lok ágúst.

Umsóknarfrestur er til 28. febrúar 2025.

Eingöngu er tekið á móti umsóknum á ráðningarvef ON, www.on.is/storf.

Nánari upplýsingar um starfið veitir Sara Sigurjónsdóttir í netfanginu sara.sigurjonsdottir@on.is.

Öllum umsóknum verður svarað fyrir 31. mars 2026.

Um Orku náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun.

ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum.

ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar.

ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Hvernig vinnustaður er Orkuveitan?

Þjónustustörf