Viltu vinna með okkur í sumar?

Um er að ræða fjölbreytt starf við daglega stjórnun landgræðslu og skógræktar á virkjanasvæðum ON. Yfirflokkstjóri stýrir daglegum verkefnum vinnuhóps í landgræðslu og skógrækt.

Til að sækja um starfið þarft þú að:

Vera háskólanemi, með háskólapróf eða sambærilega menntun
Búa yfir reynslu af landgræðslu, skógrækt eða garðyrkjustörfum
Vera 20 ára á árinu eða eldri
Búa yfir sjálfstæði, jákvæðni og framtakssemi
Vera áreiðanleg(ur) og stundvís
Hafa gild ökuréttindi

Flokkstjóri vinnur með og stýrir vinnuhópi ásamt því að stýra verkefnum á verkstað.

Hjá okkur færðu skemmtilega og hagnýta reynslu af því að vinna með reynslumiklu fagfólki að fjölbreyttum verkefnum á lifandi vinnustað sem leitast við að vera í fremstu röð hvað snertir öryggi, vinnuumhverfi og möguleika til að samræma vinnu og fjölskylduábyrgð.

Við tökum jafnréttið alvarlega

Við viljum hafa sem fjölbreyttastan hóp starfsfólks og hvetjum því öll kyn til að sækja um.

Við val á nýju starfsfólki er tekið mið af hæfni, reynslu og umsögnum þannig að það borgar sig að fylla vandlega út umsóknina.

Starfstímabilið er frá miðjum maí fram í lok ágúst.

Umsóknarfrestur er til 28. febrúar 2026.

Eingöngu er tekið á móti umsóknum á ráðningarvef ON, starf.on.is. Nánari upplýsingar um starfið veitir Magnea Magnúsdóttir í gegnum netfangið Magnea.magnusdottir@on.is.

Öllum umsóknum verður svarað fyrir 31. mars 2026.

Um Orku náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun.

ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum.

ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar.

ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Hvernig vinnustaður er OR samstæðan?

Landbúnaður