Verkefnastjóri í félagsmiðstöð – Áslandsskóli - Ásinn

Áslandsskóli óskar eftir að ráða verkefnastjóra í spennandi starf með börnum og unglingum í félagsmiðstöðina Ásinn sem er hluti af tómstundamiðstöð skólans. Félagsmiðstöðin býður börnum og unglingum á aldrinum 5.-10.bekk vettvang fyrir fjölbreytt og skemmtilegt tómstundastarf eftir að hefðbundnum skóla lýkur.

Félagsmiðstöðin Ásinn býður nemendum í 5.-10 bekk upp á skemmtilegt tómstundastarf í húsnæði skólans eftir að hefðbundnum skóla lýkur. Starfið er unnið á grunni unglingalýðræðis og í anda forvarna.

Markmið starfsins er að gefa börnum og unglingum tækifæri til að stunda skapandi og þroskandi félagsstarf í heilbrigðu umhverfi á jafnréttisgrundvelli og að skapa vettvang þar sem börn og unglingar fá tækifæri til að efla sjálfstraust sitt og félagsfærni. Verkefnastjóri í félagsmiðstöð ber ábyrgð á að skipuleggja og móta fjölbreytta dagskrá í samstarfi við börn og unglinga sem tekur mið af áhugamálum þeirra hverju sinni.

Um er að ræða 50% starf. Vinnutími er að hluta til á kvöldin á virkum dögum og dagvinna að hluta. Fjölbreyttur vinnutími í boði.

Helstu verkefni og ábyrgð:

Skipulagning á faglegu starfi félagsmiðstöðva
Sinna forvörnum með því að vera jákvæð fyrirmynd, fræða, fjalla um og hafa jákvæð áhrif á börn og unglingana með hin ýmsu málefni sem tengjast þeirra daglega lífi
Framkvæmd og skipulag starfsins í samvinnu við deildarstjóra, starfsmenn og börn og unglinga
Stuðlar að góðu samstarfi og upplýsingaflæði milli ólíkra aðila
Er leiðbeinandi og veitir starfsmönnum leiðsögn og/eða tilsögn um framkvæmd vinnunnar
Vinnur að samstarfsverkefnum, situr í nefndum og starfshópum sem tengjast starfi tómstundamiðstöðvarinnar
Önnur verkefni samkvæmt starfslýsingu og sem yfirmaður felur starfsmanni

Menntunar- og hæfniskröfur:

BS gráða í Tómstunda- og félagsmálafræði, leyfisbréf þarf að fylgja umsókn.
Háskólamenntun (BA, B.Ed. eða BS gráða) á sviði uppeldis og menntunarfræða, grunnskólakennarafræða eða sambærileg menntun sem nýtist í starfi
Reynsla og áhugi af starfi með börnum og ungmennum
Æskilegt er að viðkomandi hafi unnið í frístundaheimili eða félagsmiðstöð
Almenn tölvukunnátta
Góð íslensku- og enskukunnátta
Skipulagshæfni, frumkvæði og sjálfstæði í vinnubrögðum
Samskipta- og samstarfshæfni í mannlegum samskiptum

Skilyrði við ráðningu er að viðkomandi hafi hreint sakavottorð.

Umsóknarfrestur er til og með 19.júní 2026.

Laun eru samkvæmt kjarasamningi Sambands íslenskra sveitarfélaga við BHM.

Nánari upplýsingar um starfið veitir Eva Björk Jónsdóttir, deildarstjóri tómstundarmiðstöðvar evabjork@aslandsskoli.is , Unnur Elfa Guðmundsdóttir, skólastjóri unnur@aslandsskoli.is og Hálfdan Þorsteinsson aðstoðarskólastjóri, halfdanth@aslandsskoli.is

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.