Melaskóli er rótgróinn grunnskóli í Vesturbæ Reykjavíkur. Í skólanum stunda um 520 nemendur nám í 1. til 7. bekk og lögð er áhersla á menntun og vellíðan nemenda, fjölbreytta kennsluhætti og góð samskipti við aðstandendur. Einkunnarorð skólans eru vellíðan, samvinna, metnaður og sköpunargleði.

Við leitum að einstaklingi með góða samskiptahæfni og þekkingu á skólastarfi. Einstaklingi sem hefur óbilandi trú á nemendum, áhuga á menntun þeirra og velferð og er tilbúinn að taka þátt í því að móta metnaðarfullt skólastarf.

Í hverjum árgangi eru öflug teymi kennara sem vinnur þétt saman að skipulagi og kennslu.

Helstu verkefni og ábyrgðarsvið:

Annast kennslu nemenda, undirbúning og námsmat í samstarfi við aðra starfsmenn skólans
Stuðla að velferð nemenda í samstarfi við aðstandendur og annað fagfólk

Helstu menntunar- og hæfniskröfur:

Leyfisbréf til kennslu
Óbilandi áhuga á að vinna með börnum
Jákvæðni, lipurð og færni í samskiptum
Faglegur metnaður og frumkvæði
Mjög góð íslenskukunnátta (C2)
Hreint sakarvottorð

Staðan er laus frá 1. ágúst 2026.

Laun eru samkvæmt samningi Sambands íslenskra sveitafélaga og KÍ.

Nánari upplýsingar veitir Harpa Reynisdóttir skólastjóri, harpa.reynisdottir@reykjavik.is.

Umsjónarkennari á yngsta stigi