Vesturmiðstöð leitar að sumarstarfsfólki til starfa neyðarskýlum Reykjavíkurborgar. Unnið er á dag-, kvöld-, helgar- og næturvöktum. Starfshlutfall er eftir samkomulagi.

Hlutverk og meginmarkmið neyðarskýlanna er að veita heimilislausum karlmönnum með miklar og flóknar þjónustuþarfir tímabundið skjól og viðeigandi aðstoð. Markmið þjónustunnar er að mæta þörfum dvalargesta á heildrænan og einstaklingsmiðaðan hátt. Hugmyndafræði skaðaminnkunar skal vera höfð að leiðarljósi í þjónustu við gesti neyðarskýla Reykjavíkurborgar.

Í samræmi við mannréttindastefnu Reykjavíkurborgar og velferðarstefnu er lögð áhersla á að starfsstaðir velferðarsviðs endurspegli fjölbreytileika samfélagsins. Við hvetjum því fólk af öllum kynjum, fatlað fólk og fólk með fjölbreyttan menningarlegan bakgrunn til að sækja um starfið.

Helstu verkefni og ábyrgð

Móttaka gesta neyðarskýlanna
Veita gestum félagslegan stuðning
Umönnun og eftirlit
Framleiðsla matar og þrif
Beita hugmyndafræði skaðaminnkunar í allri vinnu og þjónustu við notendur

Menntunar- og hæfniskröfur

Góð almenn menntun
Reynsla og/eða áhugi á vinnu með karlmönnum með fjölþættan vanda
Þekking og/eða áhugi á skaðaminnkandi nálgun og batahugmyndafræði
Hæfni í mannlegum samskiptum, frumkvæði, sveigjanleiki og sjálfstæð vinnubrögð
Íslenskukunnátta B-2 (í samræmi við samevrópskan tungumálaramma)
Hreint sakavottorð í samræmi við lög sem og reglur Reykjavíkurborgar

Nánari upplýsingar um starfið

Laun eru samkvæmt samningi Reykjavíkurborgar og Eflingar.

Nánari upplýsingar um starfið veitir Ingi Þór Eyjólfsson, ingi.thor.eyjolfsson@reykjavik.is

Sumarstörf í neyðarskýlum borgarinnar