Bílaumboðið Askja leitar að metnaðarfullum og drífandi aðila í sumarafleysingar og framtíðarstarf sem söluráðgjafa notaðra bíla. Við bjóðum einstakt tækifæri til að takast á við fjölbreytt og krefjandi verkefni í lifandi umhverfi.

Askja er sölu- og þjónustuumboð fyrir Mercedes-Benz, KIA, Honda og Smart. Hjá Öskju starfar vel þjálfaður og öflugur hópur starfsfólks. Virk þjálfun og endurmenntun starfsfólks er í samræmi við gæðastaðla birgja. Askja er dótturfélag Inchcape á Íslandi sem er hluti af alþjóðlega fyrirtækinu Inchcape Plc. Fyrirtækið sérhæfir sig í sölu og dreifingu á bifreiðum og er skráð í kauphöllina í London. Inchcape er leiðandi fyrirtæki á sínu sviði, starfar á 38 mörkuðum með yfir 16.000 starfsmenn og vinnur með stærstu bílaframleiðendum heims.

Helstu verkefni og ábyrgð

Móttaka viðskiptavina, þjónusta og ráðgjöf
Símsvörun og svörun tölvuskilaboða
Framsetning bíla, verðmerkinga og annars efnis á sýningarsvæði
Úthringiverkefni
Eftirfylgni með sölu og frágangur gagna
Önnur verkefni sem stjórnandi felur starfsmanni

Menntunar- og hæfniskröfur

Reynsla af sölustörfum æskileg
Frumkvæði og sjálfstæð vinnubrögð
Samstarfs- og samskiptahæfni
Góð þjónustulund
Fagmennska og jákvæðni
Góð íslensku- og enskukunnátta bæði í ræðu og riti
Gild ökuréttindi

Af hverju Askja?

Askja leggur áherslu á að skapa menningu sem einkennist af gleði, samvinnu og sveigjanleika. Það gerum við með því að veita starfsfólki stuðning og skapa því umhverfi til að geta veitt viðskiptavinum afburðaþjónustu. Áhersla er lögð á opin og uppbyggileg samskipti. Leitað er lausna og jákvæðni höfð að leiðarljósi. Öflugt starfsmannafélag er hjá Öskju og reglulegir viðburðir og skemmtanir.

Vinnutími er frá kl. 09:00 – 17:00 alla virka daga og einhverjir laugardagar frá kl. 12:00 - 16:00.

Í anda jafnréttisstefnu Öskju hvetjum við öll áhugasöm til að sækja um; óháð kyni.

Nánari upplýsingar um starfið veitir Gunnar Haraldsson sölustjóri gha@askja.is

Sumar- og framtíðarstarf - Söluráðgjafi notaðra bíla