SkaHm óskar eftir metnaðarfullum Stuðningsráðgjafa og Stuðningsfulltrúa til starfa með börnum og ungmennum.

Þjónusta SkaHm skiptist í tvö svið, Dvalar- og Ráðgjafarsvið.

Undir Dvalarsviði er Styrkur og Dvöl.

Styrkur – Þar sem markmiðið eru að styðja barnið við að efla félagsfærni, sjálfstæði og virkni í daglegum athöfnum. Stuðningurinn fer annars vegar fram í einstaklingsstarfi og hins vegar í hópastarfi.

Dvöl – Er sólarhringsþjónusta þar sem markmiðið er að veita börnum og foreldrum tímabundna hvíld með það að leiðarljósi að draga úr streituvaldandi aðstæðum sem hafa skapast inn á heimili. Auk þess felst starfsemin í því að styðja barnið í athöfnum daglegs lífs.

Undir Ráðgjafasviði er Heimastuðningur og ráðgjöf.

Heimastuðningur og ráðgjöf - Leggur áherslu á að styðja barn í tilfinningavanda og valdefla/styðja foreldra í uppeldishlutverki sínu. Þjónustan er veitt í nærumhverfi fjölskyldunnar.

Laus staða er á Dvalarsviði.

Helstu verkefni og ábyrgð Stuðningsráðgjafa

Ígrunduð þjónusta og stuðningur sem veittur er til að stuðla að farsæld barna.
Vera þátttakandi í samþættingu þjónustu við barn og fjölskyldu þess.
Mæta þörfum barns á heildstæðan og einstaklingsbundinn hátt til að auka félagsfærni, virkni og tilfinningaþroska.
Stefnumótunarvinna með teymisstjóra og öðru starfsfólki.
Samstarf við þjónustumiðstöðvar, málstjóra farsældar, Barnavernd Reykjavíkur og aðra þjónustuaðila sem koma að málefnum barna með fjölþættar stuðningsþarfir.

Hæfniskröfur Stuðningsráðgjafa

Háskólamenntun á sviði félags-, heilbrigðis- eða menntavísinda.
Þekking og reynsla af starfi með börnum og ungmennum.
Jákvætt viðmót og framúrskarandi hæfni í mannlegum samskiptum.
Frumkvæði, sjálfstæði í vinnubrögðum og skipulagshæfni.
Íslenskukunnátta B1 eða hærra (í samræmi við samevrópskan tungumálaramma).
Hreint sakavottorð í samræmi við lög sem og reglur Reykjavíkurborgar.

Um er að ræða 90% vaktavinnu ótímabundið. Æskilegt er að starfsmaður geti hafið störf sem fyrst. Laun eru samkvæmt samningi Reykjavíkurborgar og viðkomandi stéttarfélags.

Helstu verkefni og ábyrgð Stuðningsfulltrúa

· Mæta þörfum barns á heildstæðan og einstaklingsbundinn hátt.

· Styðja barnið við þær daglegu athafnir sem það þarf.

· Fylgja eftir einstaklingsáætlun barnsins og verklagsreglum.

· Aðstoða einstaklinga varðandi félagslega og heilsufarslega þætti.

· Önnur tilfallandi verkefni sem snúa að skammtímadvölinni.

Hæfniskröfur Stuðningsfulltrúa

· Góð almenn menntun.

· Bílpróf.

· Þekking og reynsla af starfi með börnum með margþættan vanda æskileg.

· Jákvætt viðmót og framúrskarandi hæfni í mannlegum samskiptum.

· Frumkvæði, jákvæðni, sjálfstæði í vinnubrögðum og skipulagshæfni.

· Viðkomandi þarf að vera 20 ára eða eldri.

· Hreint sakavottorð samkvæmt reglum Reykjavíkurborgar.

· Góð íslensku kunnátta á stigi B2 (í samræmi við samevrópskan tungumálaramma).https://www.coe.int/en/web/portfolio/self-assessment-grid?iframe=true

Um er að ræða tímabundna vaktarvinnu þar sem unnið er á dag-, kvöld- og næturvöktum, sem og aðra hvora helgi. Möguleiki er á framtíðarráðningu. Starfshlutfall er um 70% eftir samkomulagi.

Æskilegt er að starfsmaður geti hafið störf sem fyrst. Lokað er í SkaHm í júlí mánuð.

Mikilvægt er að tilgreina í umsókn hvora stöðu sótt er um.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Nánari upplýsingar um starfið veitir Sandra Óskarsdóttir teymisstjóri sandra.oskarsdottir@reykjavik.is og Einar Þór Haraldsson teymisstjóri einar.thor.haraldsson@reykjavik.is.

Stuðningsráðgjafi og Stuðningsfulltrúi óskast í SkaHm þekkingarmiðstöð