Okkur vantar viðbót í frábæran starfsmannahóp á íbúðakjarna í Grafarvogi. Hér búa 6 konur, hver í sinni íbúð. Þjónustan er einstaklingsmiðuð og fer fram í hverri íbúð eins og hentar hverri og einni.

Starfsmaður þarf að geta unnið allar vaktir, morgun, kvöld og nætur, bæði virka daga og um helgar.

Helstu verkefni og ábyrgð

Að hvetja og styðja einstaklinga til sjálfstæðs lífs með valdeflandi stuðningi og aðstoð.
Að styðja einstaklinga við athafnir daglegs lífs s.s. við heimilishald og samfélagsþátttöku.
Að sinna umönnun og vera vakandi yfir andlegri og líkamlegri líðan íbúa og aðstoða þá eftir þörfum hverju sinni.
Að styðja einstaklinga til félagslegrar þátttöku s.s. að rækta félagstengsl, stunda afþreyingu og að sækja menningarviðburði.

Hæfniskröfur

Góð almenn menntun sem nýtist í starfi
Reynsla af starfi með fötluðum æskileg.
Góð hæfni í mannlegum samskiptum
Frumkvæði, skipulagshæfni, stundvísi og sjálfstæði í vinnubrögðum.
Góð íslenskukunnátta B1 samkvæmt evrópska tungumálarammanum.
Umsækjandi þarf að hafa náð 20 ára aldri.
Hreint sakavottorð í samræmi við lög sem og reglur Reykjavíkurborgar.

Frekari upplýsingar um starfið

Laun eru samkvæmt samningi Reykjavíkurborgar og Sameykis stéttarfélags.

Nánari upplýsingar um starfið veitir Sigurborg Ö. Möller í síma: 824 2696 og í tölvupósti sigurborg.orvarsdottir.moller@reykjavik.is

Stuðningsfulltrúi óskast á íbúðakjarna í Grafarvogi