Um starfið

Við leitum að starfsfólki til að ganga til liðs við okkur í sumar á heimili fyrir karlmenn með geð- og vímuefnaröskun. Starfið er fjölbreytt, gefandi og lærdómsríkt og hentar vel þeim sem hafa áhuga á að vinna með fólki, skaðaminnkandi nálgun og valdeflandi stuðningi.

Stuðningur við íbúa miðar að því að efla færni, auka sjálfstæði, stuðla að jákvæðri sjálfsmynd og bæta lífsgæði. Þjónustan er einstaklingsmiðuð og tekur mið af þörfum og aðstæðum hvers og eins, með virðingu, sjálfræði og velferð íbúa að leiðarljósi. Lögð er áhersla á að efla færni, sjálfstæði, samfélagsþátttöku og lífsgæði einstaklinga.

Unnið er samkvæmt hugmyndafræði skaðaminnkunar og þjónandi leiðsagnar. Starfið er tilvalið fyrir þau sem vilja vinna í lifandi og fjölbreyttu starfsumhverfi þar sem reynir á samskiptafærni, yfirvegun, frumkvæði og lausnamiðaða nálgun.

Vinnutími er fjölbreyttur og æskilegt er að starfsfólk geti unnið mismunandi tegundir vakta, þ.e. dag-, kvöld-, helgar- og næturvaktir. Starfshlutfall er samkomulagsatriði.

Helstu verkefni og ábyrgð

Veita íbúum einstaklingsmiðaðan stuðning í daglegu lífi.
Hvetja og styðja íbúa til sjálfshjálpar, sjálfstæðis og félagslegrar virkni.
Styðja íbúa við athafnir daglegs lífs og heimilishald, svo sem þrif, matseld og daglega rútínu.
Fylgjast með andlegri og líkamlegri líðan íbúa og bregðast við eftir þörfum í samráði við fagfólk.
Styðja íbúa við samfélagsþátttöku og samskipti við þjónustu, stofnanir og aðra aðila eftir því sem við á.
Framfylgja þjónustuáætlunum og vinna samkvæmt verklagsreglum starfsstaðar.
Taka þátt í teymisvinnu, fundum og samstarfi við samstarfsfólk og fagaðila.
Sinna skráningu og meðferð gagna í samræmi við verklag.
Önnur starfstengd verkefni sem stjórnendur kunna að fela starfsmanni.

Hæfnikröfur

Menntun sem nýtist í starfi.
Reynsla af stuðningi við fatlað fólk, fólk með geðrænar áskoranir og/eða vímuefnavanda er æskileg.
Áhugi á skaðaminnkandi nálgun og þjónandi leiðsögn.
Góð hæfni í mannlegum samskiptum og jákvætt viðmót.
Frumkvæði, yfirvegun, áreiðanleiki og sjálfstæði í vinnubrögðum.
Hæfni til að takast á við krefjandi aðstæður undir leiðsögn fagfólks.
Hæfni til að sýna umhyggju, skilning, virðingu og þolinmæði.
Íslenskukunnátta að lágmarki B1 samkvæmt samevrópskum tungumálaramma.
Hreint sakavottorð í samræmi við lög og reglur Reykjavíkurborgar.
Umsækjendur þurfa að hafa náð 18 ára aldri.

Við bjóðum

Fjölbreytt og gefandi starf í mannlegu og lærdómsríku starfsumhverfi.
Tækifæri til að öðlast reynslu af stuðningi við tvígreinda, skaðaminnkun og þjónandi leiðsögn.
Samstarf við reynslumikið starfsfólk og fagfólk.
Vaktavinnu þar sem starfshlutfall er samkomulagsatriði.

Laun eru samkvæmt kjarasamningi Reykjavíkurborgar og viðeigandi stéttarfélags.

Nánari upplýsingar um starfið veitir: Kristján Guðmundsson, forstöðumaður, í tölvupósti:kristjang@reykjavik.is

Stuðningsfulltrúi á Miklubraut 20 - Sumarstarf