Leikskólakennari eða leikskólaliði óskast til starfa í leikskólann Ösp, sem er staðsettur í hjarta Fellahverfisins. Við leikskólann starfar metnaðarfullur starfsmannahópur með margvíslega menntun og reynslu, sem nýtir fjölbreyttar leiðir til að styðja við almennan þroska barna. Við hlúum að börnunum í samræmi við þarfir hvers og eins með kærleika og umburðarlyndi að leiðarljósi.

Sjálfsprottinn leikur er meginnámsleið leikskólans, þar sem virk þátttaka starfsfólks spilar stórt hlutverk í að styðja við leik og nám barna. Lögð er áhersla á auðugt málumhverfi, vellíðan og starfsaðferðir sem mæta þörfum fjölbreytileika barnahópsins í leikskólanum, sem er með ríkan tungumála- og menningarbakgrunn.

Starfið er fjölbreytt, skemmtilegt og gefandi, þar sem enginn dagur er eins og við sköpum ný ævintýri á hverjum degi. Það er mikið og gott samstarf milli leik- og grunnskóla í Fellahverfi og vinnum við markvisst með mál og læsi í samvinnu við leikskólann Holt og Fellaskóla.

Þetta er fullt starfið og er laust í ágúst 2026.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Helstu verkefni og ábyrgð

Vinnur að uppeldi og menntun leikskólabarna samkvæmt lögum um leikskóla, aðalnámskrá leikskóla, stefnu og skipulagi.
Vinnur með og tekur þátt í leik og starfi með börnunum í leikskólanum.
Sinnir þeim störfum innan leikskólans sem yfirmaður felur honum.

Hæfniskröfur

Leikskólakennaramenntun eða önnur menntun sem nýtist í starfi.
Góð íslenskukunnátta skilyrði, lágmark á stigi C1 skv. evr. tungumálarammanum
Færni í að lesa fyrir börn á íslensku.
Reynsla af starfi í leikskóla æskileg.
Stundvísi og faglegur metnaður.
Frumkvæði, áhugi og vilji til að leita nýrra leiða.
Lipurð og sveigjanleiki í samskiptum.
Sjálfstæð og skipulögð vinnubrögð.
Hreint sakavottorð í samræmi við lög og reglur Reykjavíkurborgar

Fríðindi í starfi eru:

Menningarkort – bókasafnskort
Samgöngustyrkur
Sundkort
Heilsuræktarstyrkur
36 stunda vinnuvika fyrir fullt starf

Ráðningarform: tímabundin ráðning í eitt ár með möguleika á áframhaldandi ráðningu

Nánari upplýsingar um starfið veita:

Halldóra Sigtryggsdóttir, leikskólastjóri

Sími 4113310

Tölvupóstur osp@reykjavik.is

Leikskólinn Ösp, Iðufell 16, 111 Reykjavík

Leikskólakennari - leikskólaliði