Heimahjúkrun Norðvestur hefur nýlega flutt í nýtt og glæsilegt húsnæði að Lágmúla 4. Heimþjónusta Norðvestur veitir þjónustu í Vesturbæ, Miðbæ, Háaleiti, Laugardal og Bústaðahverfi.

Við leitum að hjúkrunarfræðingum sem vilja ganga til liðs við okkar frábæra starfsmannahóp. ERT ÞÚ TIL Í SLAGINN?

Ert þú atorkumikill hjúkrunarfræðingur í leit að nýjum og ferskum áskorunum?
Viltu sinna fjölbreyttum hópi fólks víðsvegar um borgina, þar sem verkefnin spanna allt litróf hjúkrunar?
Viltu fá tækifæri til að veita sérhæfða hjúkrunarþjónustu til fólks í borginni og kynnast þeirri fjölbreytni sem starfið býður upp á?
Viltu upplifa töfra þess að hjúkra fólki í þeirra eigin umhverfi?
Viltu kynnast því hvernig er að starfa við hjúkrun í samþættri heimaþjónustu?
Viltu taka þátt í að þróa og innleiða nýjar leiðir til að veita heilbrigðisþjónustu í umhverfi sem tekur sífelldum breytingum?

Ef svarið er JÁ – þá ert þú tilvalinn liðsmaður til að taka þátt í að móta framtíðar heimaþjónustu í breyttu landslagi heilbrigðiskerfisins

Ef þú vilt hoppa á vagninn – skelltu þá inn umsókn!

Við vekjum athygli á kjarasamningum Reykjavíkurborgar og Félagi íslenskra hjúkrunarfræðinga.

Hjúkrunarfræðingar í heimaþjónustu sinna margvíslegum verkefnum á sviði hjúkrunar þar sem markmiðið er að fólk og fjölskyldur njóti betri og einstaklingsmiðaðri þjónustu til að styðja við og hámarka heilsu, vellíðan og sjálfstæði.

Reykjavíkurborg er leiðandi í samþættri heimaþjónustu og veitir þjónustu í fremstu röð.

Menntunar-og hæfniskröfur

Íslenskt hjúkrunarleyfi
Þekking og reynsla af sjúkraskrárkerfinu SÖGU og RAI mælitækjum æskileg
Góð samskipta- og skipulagshæfni
Frumkvæði og faglegur metnaður
Sjálfstæði og sveigjanleiki í vinnubrögðum
Ökuréttindi
Hreint sakavottorð í samræmi við lög og reglur Reykjavíkurborgar
Íslenskukunnátta á bilinu B2-C2 (í samræmi við samevrópskan tungumálaramma)

Fríðindi í starfi

Samgöngustyrkur
Heilsustyrkur
Menningarkort
Frítt í sundlaugar Reykjavíkurborgar
36 stunda vinnuvika
Fjölskylduvænt starfsumhverfi

Nánari upplýsingar um starfið veitir Hrefna Guðmundsdóttir, í gegnum netfangið Hrefna.Gudmundsdottir@reykjavik.is eða síma 411-1590.

Heimahjúkrun Norðvestur í nýju og glæsilegu húsnæði