Gerðaskóli leitar að metnaðarfullum og drífandi einstaklingi sem býr yfir þekkingu og reynslu af starfi í grunnskóla. Deildarstjóri er hluti af stjórnunarteymi skólans og tekur virkan þátt í faglegum ákvörðunum og skipulagi á innra starfi skólans.

Í Gerðaskóla eru um 250 nemendur. Við skólann starfa áhugasamir og metnaðarfullir starfsmenn. Lögð er áhersla á að skapa námsumhverfi þar sem allir eru virkir, öllum líði vel og allir læri að bera virðingu fyrir sjálfum sér, öðrum og umhverfi sínu.

Gildi skólans eru; virðing – ábyrgð - árangur – ánægja

Skólinn er heilsueflandi grunnskóli sem vinnur eftir stefnunni Jákvæður agi með það að markmiði að allir fái tækifæri til að vera besta útgáfan af sjálfum sér í leik og starfi. Nánari upplýsingar er að finna á heimasíðu skólans, www.gerdaskoli.is

Helstu verkefni og ábyrgð:

Ber ábyrgð á daglegri starfsemi skóla í samvinnu við aðra skólastjórnendur
Ber ábyrgð á verkefnastjórn sérkennslu og stoðþjónustu skólans
Sinnir kennsluskyldu í stoðþjónustu eftir samkomulagi og stjórnunarhlutfalli
Stýrir fundum nemendaverndarráðs og er í samskiptum við fulltrúa þeirra
Annast áætlana- og skýrslugerð vegna sér- og stuðningskennslu
Aðstoðar umsjónar- og sérgreinakennara við að aðlaga nám einsakra nemanda sem njóta stuðnings og sérkennslu
Hefur umsjón með samstarfi vegna einstakra nemendamála við stoðþjónustu, ráðgjöf og sérkennsluaðila
Styður við innleiðingu samþættingar í þágu farsældar barna
Sinnir öðrum störfum og verkefnum sem honum eru falin af skólastjórnendum og falla undir verksvið deildarstjóra stoðþjónustu

Menntunar- og hæfniskröfur:

Kennaramenntun og leyfisbréf kennara og/eða menntun á sviði sérkennslu, þroskaþjálfa, atferlisþjálfa eða sambærileg menntun sem nýtist í starfi
Framhaldsmenntun sem nýtist í starfi æskileg
Góð þekking á náms- og kennsluaðferðum og hæfni til að miðla þeim
Reynsla af verkefnastýringu æskileg
Leiðtogafærni og frumkvæði
Geta til að vinna sjálfstætt og í teymum
Þjónustulund og framúrskarandi hæfni í mannlegum samskiptum
Góð hæfni til að tjá sig í ræðu og riti, á íslensku og ensku

Ráðið er í stöðuna frá 1. ágúst 2026.

Skilyrði við ráðningu er að viðkomandi hafi hreint sakavottorð.

Umsóknarfrestur er til og með 13. apríl 2026.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Nánari upplýsingar um starfið veitir Jón Ragnar Ástþórsson, skólastjóri Gerðaskóla, jonragnar@gerdaskoli.is eða í síma 425-3050.

Umsókn fylgir ítarleg starfsferilskrá ásamt kynningarbréfi þar sem gerð er grein fyrir ástæðu umsóknar ásamt rökstuðningi fyrir hæfi til að sinna starfinu.

Áhugasamir einstaklingar, óháð kyni, eru hvattir til að sækja um. Öllum umsóknum verður svarað þegar ákvörðun um ráðningu hefur verið tekin.

Deildarstjóri stoðþjónustu - Gerðaskóli