Laus er til umsóknar staða deildarstjóra í Selásskóla í 50% stöðu og almenna kennslu í 50% frá og með 1. ágúst 2026. Selásskóli er grunnskóli fyrir nemendur í 1. - 7. bekk. Í skólanum eru um 180 nemendur og um 40 starfsmenn.

Kjörorð skólans er: Látum þúsund blóm blómstra og gildisáherslur hans eru: Virðing – gleði - vinátta.

Skólinn leggur áherslu á lestur/læsi og upplýsingatækni. Ennfremur umhverfismennt með það að markmiði að nemendur skilji, þekki og virði umhverfi sitt og náttúru. Síðustu ár hefur Selásskóli fengið viðurkenningar fyrir framsækið skólastarf sem leggur áherslu á STEM kennslu og sköpun.

Umsókn fylgi ferilskrá, menntunargögn og annað er málið varðar. Frekari upplýsingar um skólann má nálgast á heimasíðu hans www.selasskoli.is og á Facebooksíðu skólans.<br>

Verkefni og ábyrgð<br>

Deildarstjóri er hluti af stjórnendateymi skólans. Hlutverkið felur í sér að tryggja gæði kennslu, vellíðan nemenda og faglegt samstarf innan skólans. Deildarstjóri heyrir undir skólastjóra og aðstoðarskólastjóra.
Deildarstjóri vinnur náið með kennurum og stoðþjónustu.
Stýrir faglegu starfi út frá stefnu skólans
Vinnur að öflugu samstarfi innan og utan skólasamfélagsins
Starfar í anda laga um farsæld barna
Alemenn kennsla á miðstigi
Önnur verkefni sem deildarstjóra kunna að vera falin
Leiða faglegt starf kennara á miðstigi
Skipuleggja og samræma kennslu, námsáætlanir og faglega þróun.

Hæfniskröfur

Kennaramenntun og réttindi til kennslu í grunnskóla.
Viðbótarmenntun sem nýtist í starfi er kostur
Reynsla af kennslu og deildarstjórastörfum í grunnskóla.
Góð leiðtogahæfni og hæfni til að byggja upp jákvætt og faglegt starfsumhverfi.
Skipulagshæfni, frumkvæði og fagleg dómgreind.
Þekking og reynsla af uppeldi til ábyrgðar, teymiskennslu og leiðsagnarnámi
Færni í notkun skóla- og upplýsingakerfa.
Faglegur metnaður og frumkvæði
Reynsla og áhugi á að starfa með börnum.
Áhugi á að starfa í skapandi og metnaðarfullu umhverfi
Áhugi á skólaþróun
Stundvísi
Góð íslenskukunnátta í ræðu og riti
Hreint sakarvottorð

Frekari upplýsingar um starfið

Laun eru samkvæmt samningi Sambands íslenskra sveitarfélaga og KÍ v/ Félags grunnskólakennara.
100% Starfshlutfall
Umsóknarfrestur 26.06. 2026

Umsókninni skal fylgja yfirlit yfir nám og fyrri störf, leyfisbréf til að nota starfsheitið kennari auk annarra gagna er málið varðar.

Nánari upplýsingar um starfið veitir Rósa Harðardóttir skólastjóri í síma 4116680 og tölvupósti rosa.hardardottir@reykjavik.is

Deildarstjóri