Skrifstofa Mennta- og lýðheilsusviðs óskar eftir metnaðarfullum og öflugum deildarstjóra leikskólamála til að koma að markvissri, samþættri þjónustu. Ráðning er til eins árs frá 1. ágúst 2026 – 31. Júlí 2027. Áhersla er lögð á gott samstarf milli fagfólks og þverfaglega nálgun til að tryggja farsæld barna.

Á mennta- og lýðheilsusviði ríkir faglegt umhverfi þar sem metnaður, traust og lausnamiðuð vinnubrögð eru í fyrirrúmi, auk þess sem starfsfólk fær stuðning og tækifæri til þróunar, meðal annars með fræðslu og endurmenntun. Krafa er um sterk tengsl við leik- og grunnskóla, foreldra og aðra samstarfsaðila innan og utan sveitarfélagsins

Helstu verkefni og ábyrgð:

Er næsti yfirmaður leikskólastjóra og hefur yfirumsjón og eftirlit með rekstri leikskólanna
Er tengiliður á milli leikskóla og rekstraraðila með setu í þeirri stjórnarnefnd sem um málaflokkinn fjallar og framfylgir samþykktum rekstraraðila um málefni leikskóla.
Er talsmaður leikskólamála út á við f.h. Hafnarfjarðarbæjar
Er leikskólastjórum og starfsfólki leikskóla til ráðgjafar um fagleg og rekstrarleg málefni
Vinnur að gerð fjárhagsáætlana ásamt leikskólastjórum í samvinnu við rekstraraðila og ber ábyrgð á að hún sé haldin
Umsýsla með gögn, fyrirspurnir og ýmis málefni fyrir sviðsstjóra, skráning gagna í skjalakerfi
Tekur þátt í afgreiðslu mannauðsmála og stjórnsýslulegra mála með leikskólastjórum
Hefur yfirumsjón með upplýsinga- og kynningarmálum, auglýsingum sviðsins í samráði við samskiptastjóra bæjarins og eftirlit með rannsóknum, greiningum og tölfræðiúrvinnslu sviðsins
Önnur verkefni skv. starfslýsingu

Menntunar- og hæfniskröfur:

Grunnháskólamenntun B.ed, BA, BS, á sviði uppeldis- og menntunar
Framhaldsháskólamenntun sem nýtist í starfi s.s. á sviði stjórnunar, reksturs, mannauðsmála eða verkefnastjórnunar
Þekking á leikskólastarfi
Þekking og reynsla af stjórnun og mannauðsmálum
Þekking og reynsla á rekstri og opinberri stjórnsýslu
Afburða samskipta- og samstarfshæfni
Frumkvæði og sjálfstæði í vinnubrögðum og góð skipulagshæfni
Geta til að vinna undir álagi og í breytilegum aðstæðum
Góð íslensku- og enskukunnátta í ræðu og riti

Um kaup og kjör fer samkvæmt gildandi kjarasamningum Samband íslenskra sveitarfélaga og BHM.

Nánari upplýsingar um starfið veitir Fanney Dóróthe Halldórsdóttir, sviðsstjóri Mennta- og lýðheilsusviðs, fanney@hafnarfjordur.is

Umsóknarfrestur er til og með 13. apríl 2026

Greinargóð ferilskrá, kynningarbréf og prófskírteini fylgi umsókn.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Deildarstjóri leikskólamála