Ævintýraborg við Nauthólsveg er 6 deilda leikskóli með 93 börnum. Í leikskólanum starfar samhentur og hlýr hópur sem leggur ríka áherslu á vellíðan, gleði og fagmennsku í starfi með börnum.

Leikskólinn er staðsettur í fallegu umhverfi þar sem Öskjuhlíð og Nauthólsvík eru hluti af okkar daglega uppeldis- og námsumhverfi.

Gildi leikskólans eru: Virðing - Vinátta - Vellíðan

Við trúum því að börn læri best í gegnum leik, forvitni og tengsl og að starfsfólk sem fær að njóta sín skapi bestu aðstæðurnar fyrir börnin.

Helstu áherslur okkar eru útinám, læsi, félagsleg færni og nám í gegnum leik þar sem forvitni og vellíðan barna er í fyrirrúmi.

Nú leitum við að öflugum og metnaðarfullum deildarstjóra sem vill taka þátt í þessu ævintýri með okkur.

Helstu verkefni og ábyrgð:

Vinnur að uppeldi og menntun leikskólabarna samkvæmt starfslýsingu deildarstjóra.
Er hluti af stjórnunarteymi leikskólans.
Ber ábyrgð á að unnið sé eftir skólanámskrá.
Ber ábyrgð á stjórnun og skipulagningu starfsins á deildinni.
Ber ábyrgð á innra mati deildar.
Ber ábyrgð á samstarfi við foreldra og aðra fagaðila.

Menntunar- og hæfniskröfur:

Leyfisbréf til kennslu* (leyfisbréf fylgi umsókn)
Reynsla af starfi á leikskólastigi
Frumkvæði og metnaður í starfi.
Sjálfstæð og skipulögð vinnubrögð.
Lipurð og sveigjanleiki í samskiptum.
Góð íslenskukunnátta og ritfærni (B2 samkvæmt evrópska tungumálarammanum).
Góð tölvukunnátta.
Hreint sakavottorð.

Fríðindi í starfi:

Forgangur í leikskóla og afslátt af dvalargjaldi.
Menningarkort: sund, söfn, bókasöfn.
Heilsuræktarstyrk.
Samgöngustyrk
36 stunda vinnuviku fyrir fullt starf

*Fáist ekki starfsmaður með leyfisbréf til kennslu kemur til greina að ráða háskólamenntaðan einstakling tímabundið til starfa sbr. Lög nr. 95/2019

Nánari upplýsingar:

Upplýsingar um starfið veitir leikskólastjóri, Anna Metta Norðdahl

📧anna.metta.norddahl@reykjavik.is

📞411-6760

Laun eru samkvæmt samningi Reykjavíkurborgar og viðkomandi stéttarfélags.

Vakin er athygli á stefnu Reykjavíkurborgar um jafnan hlut kynja í störfum.

Deildarstjóri í Ævintýraborg við Nauthólsveg