Frístundaheimilið Kastali óskar eftir að ráða metnaðarfullan og áhugasaman einstakling með menntun og reynslu sem nýtist í starfi. Markmið starfsemi frístundaheimila er að veita 6 – 9 ára börnum og foreldrum þeirra heildstæða og faglega þjónustu þar sem uppeldisgildi starfsins eru höfð að leiðarljósi. Tilgangur starfsins er að stuðla að auknum félagsþroska barna með áherslu á aukið sjálfstæði, ábyrgð og virkni þeirra í starfi ásamt mikilvægi heilbrigðs lífsstíls.

Þessi staða tilheyrir frístundastarfi með börnum sem hafa sértækar þjónustuþarfir. Meðal verkefna er utanumhald og skipulag starfsins fyrir börnin og stuðningur við starfsfólk.

Viðkomandi þarf að geta hafið störf sem fyrst.

Frístundaheimilið Kastali er staðsett við Dalhús 41, 112 Reykjavík.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Helstu verkefni og ábyrgð

* Umsjón með daglegri starfsemi og faglegu innra starfi í samvinnu við forstöðumann.

* Leiðbeina og taka þátt í leik og starfi með börnum.

* Samráð og samvinna við börn og starfsfólk.

* Samskipti og samstarf við foreldra og starfsfólk skóla.

Hæfniskröfur

* Háskólapróf á sviði uppeldismenntunar, s.s. tómstunda- og félagsmálafræði eða sambærileg menntun.

* Meistarapróf á sviði uppeldismenntunar eða stjórnunar eða mikil starfs- og stjórnunarreynsla á viðkomandi sérfræðisviði.

* Reynsla af starfi með börnum.

* Reynsla af félags- og tómstundastarfi.

* Frumkvæði, sjálfstæði og fagmennska í vinnubrögðum.

* Skipulagshæfileikar og fjölbreytt áhugasvið sem nýtist í starfinu.

* Góð færni í samskiptum.

* Almenn tölvu- og samskiptamiðlakunnátta.

* Góð íslenskukunnátta.

Vinsamlegast látið ferilskrá fylgja umsókn. Hreint sakavottorð í samræmi við lög sem og reglur Reykjavíkurborgar.

Fríðindi í starfi

Menningarkort - bókasafnskort
Samgöngustyrkur
Sundkort
36 stunda vinnuvika fyrir fullt starf
Heilsuræktarstyrkur

Nánari upplýsingar um starfið

Viðkomandi þarf að geta hafið störf sem fyrst.

Laun eru samkvæmt samningi Reykjavíkurborgar og Sameykis.

Upplýsingar um starfið veitir Erla Bára Ragnarsdóttir í tölvupósti erla.bara.ragnarsdottir@reykjavik.is.

Aðstoðarforstöðumaður – frístundaheimilið Kastali - tímabundin afleysing